(ពោធិ៍សាត់)៖ កាលពីយប់ថ្ងៃទី១៨ ខែកុម្ភៈ ឆ្នាំ២០២៦ កន្លងទៅនេះ មានការភ្ញាក់ផ្អើល និងបង្កឱ្យមានប្រតិកម្មយ៉ាងខ្លាំងពីសំណាក់មហាជន បន្ទាប់ពីលេចឮព័ត៌មានថា ក្រុមស្ថាបនិកដឹកអាចម៍ រួមជាមួយទាហានថៃ បាននាំគ្នាជប់លៀងយ៉ាងសប្បាយរីករាយនៅក្នុងសណ្ឋាគារ ហេង ផាំង ដែលជាអាជីវកម្មរបស់ជនជាតិចិន ស្ថិតក្នុងទឹកដីកម្ពុជា នាឃុំថ្មដា ស្រុកវាលវែង ខេត្តពោធិ៍សាត់។
យោងតាមប្រភពព័ត៌មានពីមូលដ្ឋានបានឱ្យដឹងថា សកម្មភាពនេះបានបង្ហាញពីភាពព្រហើន និងការមិនរអាចំពោះច្បាប់អន្តរជាតិឡើយ។ ខណៈដែលបញ្ហាព្រំដែនកំពុងមានភាពតានតឹង វត្តមានរបស់កងទ័ពសៀមដែលចូលមកប្រើប្រាស់ទីតាំងអាជីវកម្មលើទឹកដីខ្មែរ ហាក់ដូចជាផ្ទះរបស់ខ្លួនបែបនេះ ត្រូវបានគេមើលឃើញថាជា៖
ការរំលោភបំពានអធិបតេយ្យភាព៖ ការចូលមកដោយខុសច្បាប់ និងការបង្ហាញឥទ្ធិពលលើដីខ្មែរ។
ការមើលងាយច្បាប់រដ្ឋបាល៖ ការយកទីតាំងសណ្ឋាគារដែលកំពុងប្រកបអាជីវកម្ម មកធ្វើជាកន្លែងសប្បាយក្នុងគោលបំណងបង្អួតអំណាច។
ការមិនខ្វល់ពីការរិះគន់៖ បើទោះបីជាសហគមន៍អន្តរជាតិកំពុងតាមដាន ក៏ក្រុមទាហានទាំងនោះនៅតែបន្តសកម្មភាពដែលបង្កការប៉ះពាល់ដល់អារម្មណ៍ពលរដ្ឋម្ចាស់ស្រុក។
មហាជនកំពុងរង់ចាំមើលថា តើអាជ្ញាធរពាក់ព័ន្ធនឹងមានវិធានការបែបណា ចំពោះសកម្មភាពដែលផ្គើននឹងបូរណភាពទឹកដីមួយនេះ ដើម្បីការពារសន្តិសុខ និងសេចក្តីថ្លៃថ្នូររបស់ជាតិ។
